નાણાકીય વર્ષના પ્રથમ ત્રિમાસિકમાં દેશની દિગ્ગજ કંપનીઓના પરિણામો એક દાયકામાં સૌથી ખરાબ રહ્યાં

કોરોના વાયરસને પગલે નાણાકીય વર્ષના પ્રથમ ત્રિમાસિકમા દેશની દિગ્ગજ કંપનોના પરિણામો એક દાયકામાં સૌથી ખરાબ રહ્યા છે. પરંતુ તેમ છતાં 2/3 કંપનીઓના પ્રદર્શન અપેક્ષા કરતાં સારા રહ્યા છે. કંપનીઓ પોતાનો ખર્ચ ઘટાડવામાં સફળ રહી છે. એનએસઈ નિફ્ટી50 ઈન્ડેક્સની 47 કંપનીઓમાંથી 40 કંપનીઓની જૂન મહિનામાં પૂરા થયેલા ક્વાર્ટરમાં આવક 40 ટકા ઘટી છે. તેમ છતાં, આમાંની બે તૃતીયાંશ કંપનીઓએ પ્રોફિટ વિશ્લેષકોના અંદાજ કરતાં વધુ તેમજ સારા પરિણામો મેળવ્યા છે.

આઇઆઇએફએલના રિસર્ચ હેડ અભિમન્યુ સોફતે જણાવ્યું હતું કે, વાસ્તવમાં અમે આ ક્વાર્ટરને રાઈટ ઓફ કરી હતી. પરંતુ નિફ્ટીની મોટાભાગની કંપનીઓએ ધારણા કરતા સારા પરિણામ આપ્યા છે.

બ્લૂમબર્ગના એક અહેવાલ મુજબ, ભારતીય કંપનીઓનું પ્રદર્શન એટલું ખરાબ નથી જેટલું અપેક્ષિત હતું. ટેકનોલોજીની વધતી માંગ વચ્ચે પાંચ સૌથી મોટી ટેક્નોલોજી કંપનીઓમાંથી ચાર કંપનીની આવક વધવાની અપેક્ષા છે. 2013 બાદનો આ સેક્ટર માટે સૌથી મોટો ઉછાળો છે. તેવી જ રીતે ફૂડ કંપનીઓ, બેંકો, ટેલિકોમ અને ઓટો કંપનીઓએ પણ આવકથી આશ્ચર્યચકિત કર્યા છે.

આગામી વર્ષે કંપનીઓની આવકમાં સંભવિત વૃદ્ધિને પગલે માર્કેટ એડજસ્ટ થઈ ચૂક્યાં
મોતીલાલ ઓસ્વાલ સિક્યોરિટીઝ લિમિટેડના રિસર્ચ હેડ ગૌતમ દુગ્ગડે જણાવ્યું હતું કે, જો આ નાણા વર્ષના બીજા ભાગમાં પણ પરિસ્થિતિમાં સુધારો નોંધાશે, તો પણ નફો પાછલા નાણાકીય વર્ષને સમકક્ષ રહેશે. કેટલાક રાજ્યોમાં ચાલી રહેલા લોકડાઉનને કારણે આ કંપનીઓનો નફા ગતવર્ષ કરતાં ઘટ્યો છે. બજારમાં ટૂંકાગાળાની અનિશ્ચિતતાને જોતા, કેટલાક બ્રોકર્સે બે વર્ષની ટાર્ગેટ પ્રાઈસ આપવાનું શરૂ કર્યું છે. કેટલાક બ્રોકર્સ અનુસાર, આગામી એપ્રિલથી શરૂ થનારા નાણા વર્ષમાં કંપનીઓની કમાણીમાં રિકવરી થવાના આશાવાદ સાથે શેરના ભાવો એડજસ્ટ થઈ ચૂક્યા છે.

કંપનીઓનો આવકનો અંદાજ

સેક્ટર	આવક
ઓટો	-1.10%
બેંક-NBFC	7.90%
વીમો	5.50%
મૂડી બજારો	-0.20%
ઇન્ફ્રાસ્ટ્રક્ચ.	6.60%
રિયલ એસ્ટેટ	-9.70%
આઇટી	-0.10%
એનર્જી	-1.60%
સિમેન્ટ	-2.10%
કેમિકલ્સ	20.00%
ફાર્મા	-2.60%

કંપનીઓનો વાસ્તવિક નફો

સેક્ટર	નફો
ઓટો-	-
બેંક-NBFC	11.20%
વીમો	-11.20%
મૂડી બજારો	-4.70%
ઇન્ફ્રાસ્ટ્રક્ચર	283.40%
રિયલ એસ્ટેટ	62.40%
આઈટી	6.60%
એનર્જી	-7.40%
સિમેન્ટ	50.40%
કેમિકલ્સ	60.80%
ફાર્મા	17.70%

સ્થિતિ સુધરી નિષ્ણાતોનો અંદાજ

• મજબૂત માગ, રિમોટ વર્કિંગની વ્યવસ્થાથી સોફ્ટવેર નિકાસકારને લાભ, ફાર્મા કંપનીઓની સ્થિતિ સુધરી.
• કેઆર ચોક્સી ઈન્વેસ્ટમેન્ટના એમડી દેવેન ચોક્સી અનુસાર, સરકારની પહેલથી ગામડામાં આવકો વધતા ગ્રામીણ વ્યવસ્થામાં સુધારો નોંધાયો.
• મોટાભાગની કંપનીઓ ઘરેથી કામ કરી રહી હોવાથી ખર્ચ ઘટતાં સફળતા મળી. આગળ પણ જારી રહેશે.

Download Dainik Bhaskar App to read Latest Hindi News Today

પ્રતિકાત્મક તસવીર.

from Divya Bhaskar https://ift.tt/2EdNmuW