સુપ્રીમ કોર્ટના બે અથવા ત્રણ કોર્ટ રૂમમાં આગામી સપ્તાહથી સુનાવણી શરૂ થઈ શકે છે, સાત જજની બેન્ચે આ મામલે વિચારણા કરી
સુપ્રીમ કોર્ટમાં આગામી અઠવાડિયાથી બે અથવા ત્રણ કોર્ટ રૂમમાં સુનાવણી શરૂ થઈ શકે છે એટલે કે આ કોર્ટ રૂમમાં જજ હાજર રહેશે. મહામારીને કારણે અત્યાર સુધી મોટા ભાગના કેસની સુનાવણી વર્ચ્યુઅલી જ કરવામાં આવી હતી. સીજેઈ એસ.એ. બોબડેએ ફિઝિકલ કોર્ટમાં સુનાવણી કરવા માટે પહેલ કરી હતી. આ મામલે મંગળવારે એક મહત્વની બેઠક યોજાઈ હતી.
સાત જજની બેન્ચે ચર્ચા-વિચારણા કરી
સુપ્રીમ કોર્ટના ચીફ જસ્ટિસે ફિઝિકલ કોર્ટ શરૂ થાય તે માટે ચર્ચા-વિચારણા કરવા સાત જજની બેન્ચ બનાવી હતી. મંગળવારે તેમની બેઠક થઈ હતી. જેમાં કેટલાક અન્ય મુદ્દાઓ ઉપર પણ વિચારણાં કરવામાં આવી હતી. સુપ્રીમ કોર્ટ એડવોકેટ્સ ઓન રિકોર્ડ્સ એસોશિએશને બુધવારે આ માહિતી આપી હતી. જજની કમિટીએ આ બાબતે ગંભીરતાથી ચર્ચા-વિચારણા કરી હતી કે આગામી અઠવાડિયાથી 2 અથવા 3 કોર્ટ રૂમમાં સુનાવણી થાય. તેના માટે રજિસ્ટ્રીના જણાવ્યા પ્રમાણે જરૂરી તૈયારી કરી રહી છે. મિટિંગમાં બાર કાઉન્સિલ ઓફ ઇન્ડિયાના ચેરમેન પણ સામેલ થયા હતા.
વકીલોની માગ
એસસીએઓઓરએના અધ્યક્ષ શિવાજી જાધવ અને એસસીબીએ પ્રેસિડેન્ટ દુષ્યંત દવેને સાત સદસ્યોની કમિટી પાસે અપીલ કરી હતી કે, ફિઝિકલ કોર્ટ રૂમ ઝડપથી શરૂ કરવામાં આવે. તેની માટે મેડિકલ એક્સપર્ટ્સની સલાહ પણ લેવામાં આવી શકે છે. મહામારીને ધ્યાનમાં રાખી એક્સપર્ટની સલાહ લેવી જરૂરી છે. આ બાબતે વિચારતા કહ્યું કે, વર્ચ્યુઅલ કોર્ટને પણ ચાલુ રાખવામાં આવે, પરંતુ તેની સાથે સાથે ફિઝિકલ કોર્ટ રૂમને પણ શરૂ કરવામાં આવે. તેનાથી ફાયદો એ થશે કે લોકોને બે વિકલ્પ મળશે.
એક કે બે દિવસમાં અંતિમ નિર્ણય આવશે
એવું માનવામાં આવી રહ્યું છે કે, લોકડાઉનના પહેલા અંતિમ સુનાવણઈ માટે જે કેસનું લિસ્ટ બહાર પાડવામાં આવ્યું હતું, ફિઝિકલ કોર્ટમાં તે કેસની સુનાવણી પહેલા થશે. જો કે, સાત જજની કમિટી એક કે બે દિવસમાં તમામ બાબતો પર વિચાર કર્યા પછી અંતિમ નિર્ણય લેશે. મહત્વનું છે કે, હાલ તો કોરોનાની મહામારીને કારણએ ફિઝિકલ કોર્ટની જગ્યાએ વર્ચ્યુઅલ કોર્ટમાં સુનાવણી કરવામાં આવી રહી છે.
Download Dainik Bhaskar App to read Latest Hindi News Today
from Divya Bhaskar https://ift.tt/3iyDbAb
Comments