મહારાષ્ટ્રનાં 4500 ગામનાં 3.70 લાખ બાળકોનું રેડિયો શિક્ષણ, વિદ્યાર્થીઓ વિવિધ વિષયો પર લાઈવ ચર્ચા કરે છે

રેડિયો એક એવું માધ્યમ છે જેના મારફત તમે અત્યાર સુધી સમાચાર, સંગીત, અને ટોક શો સાંભળ્યા હશે પરંતુ હવે તેના મારફત અભ્યાસ પણ થઈ રહ્યો છે. લૉકડાઉનમાં બાળકો શાળાએ જઈ શકતાં ન હોવાથી પ્રથમ સંસ્થા અને આકાશવાણી નાગપુરે સાથે મળી મહારાષ્ટ્રના 17 જિલ્લામાં રેડિયો સ્કૂલ શરૂ કરી છે. જેના મારફતે 4500 ગામનાં 3.25 લાખથી વધુ બાળકો અભ્યાસ કરી રહ્યાં છે. રેડિયો સ્કૂલ દરમિયાન 3 બાળકોને ઈન્ટરવ્યૂ માટે પસંદ કરવામાં આવે છે. જે વિષયના આધારે ચર્ચા કરે છે. રેડિયો પર બોલવાની તક મળવાથી બાળકોમાં અભ્યાસ પ્રત્યે ઉત્સાહ વધ્યો છે. વાલીઓના જુસ્સામાં પણ વધારો થશે. તેથી તેઓ પોતાનાં બાળકોને રેડિયો પર સાંભળવાની ઈચ્છા રાખશે. નાગપુરના ડિવિઝનલ કમિશનર ડો. સંજીવકુમારે જણાવ્યું હતું કે વિદ્યાર્થીઓ અને વાલીઓ માટે આ પહેલ કારગર સાબિત થઈ છે.

આ પહેલ શરૂ કરવા માટે એપ્રિલમાં 17 જિલ્લામાં સરવે હાથ ધર્યો હતો જેનો હેતુ કેટલા વાલીઓ પાસે મોબાઈલ કે રેડિયો છે તેના માટે સરપંચ, શિક્ષક, આંગણવાડી કાર્યકરો અને ગ્રામસેવકોની મદદ લેવામાં આવી હતી. ત્યારબાદ 3થી 6 વર્ષનાં બાળકોના અભ્યાસ માટે સિરિઝ બનાવવામાં આવી. બાદમાં મંગળવાર અને શુક્રવારને નાગપુર આકાશવાણી પરથી કાર્યક્રમ પ્રસારિત કરવામાં આવી રહ્યો છે. ફીડબેક સારો મળતા આઠમા ધોરણ સુધીના વિદ્યાર્થીઓ માટે સિલેબસ તૈયાર કરી રેડિયો ક્લાસિસ શરૂ કરવામાં આવ્યા છે. બાળકો ફ્રિકવન્સી એમડબ્લ્યુ 512.8 અથવા ન્યૂઝ ઓન એર મારફત રેડિયો સ્કૂલ સાથે જોડાઈ શકે છે. આજે તેના મારફત 3.70 લાખથી વધુ બાળકો અભ્યાસ કરી રહ્યાં છે. ડો. કુમાર અનુસાર, સિલેબસ મહારાષ્ટ્ર રાજ્ય શિક્ષણ સંશોધન સંસ્થાની મદદથી તૈયાર કરવામાં આવે છે.

વોટ્સએપ મારફત વાલીઓને સિલેબસ મોકલવામાં આવે છે
વોટ્સએપ મારફત વાલીઓને સપ્તાહિક સિલેબસ મોકલવામાં આવે છે. જેને ધ્યાનમાં રાખી બાળકો અભ્યાસ કરે છે. રોજિંદા 3 બાળકો રેડિયો પર જોડાય છે. તેમની સાથે વાતચીતના સંશોધિત અંશ યુટ્યુબ પર અપલોડ કરવામાં આવે છે. અમુક ગામ એવા છે કે, જ્યાં વાલીઓ પાસે ફોન નથી. તો ત્યાં ગ્રામ પંચાયતની બિલ્ડિંગ પર લાઉડ સ્પીકર લગાવી બાળકોને અભ્યાસની સિરિઝ સંભળાવવામાં આવે છે.

Download Dainik Bhaskar App to read Latest Hindi News Today

રેડિયો સ્કૂલ દ્વારા અભ્યાસ કરી રહેલા બાળકો.

from Divya Bhaskar https://ift.tt/30MUjMG