બ્રિટનમાં ઈન્ટેલિજન્સ એન્ડ સિક્યોરિટી કમિટીએ બ્રેક્ઝિટ માટે જનમતસંગ્રહમાં રશિયાની દખલ મામલે તપાસ રિપોર્ટ જાહેર કર્યો છે. રિપોર્ટ અનુસાર સરકારે આ મામલે રશિયાના ખતરાની અવગણના કરી હતી. તેની વિરુદ્ધ કોઈ પગલું ના ભર્યુ. સરકારે એ વાત પર ધ્યાન ન આપ્યું કે રશિયા માટે અમેરિકા અને નાટો બાદ બ્રિટન સૌથી મોટું લક્ષ્ય છે. તેનું મુખ્ય કારણ બ્રિટનના અમેરિકા સાથેના સારા સંબંધો છે.
રિપોર્ટ અનુસાર બ્રિટન સરકાર રશિયાના વેપારીઓનું ઉત્સાહપૂર્વક સ્વાગત કરતી રહી કેમ કે તે બ્રિટનમાં રોકાણ કરતા હતા. તે વેપારી રશિયાના રાષ્ટ્રપતિ વ્લાદિમીર પુટિનના ખાસ લોકો છે. સરકારે તેમને ક્યારેય પૂછ્યું નહીં કે તેમની પાસે આટલા પૈસા ક્યાંથી આવ્યા? તેનાથી ઊલટું સરકારે તેમને રોકાણ વિઝા પણ ઈશ્યૂ કર્યા.
સમિતિના સભ્ય કેવન જોન્સે આરોપ મૂક્યો હતો કે સરકારે જાણીજોઈને આ રિપોર્ટ ગત વર્ષે ડિસેમ્બરમાં ચૂંટણી પૂર્વે જાહેર ન કરવા દીધો. અમે બ્રેક્ઝિટ વિશે ભ્રમ ફેલાવવાના અભિયાન, સાઈબર હથકંડા અને બ્રિટનમાં વસતાં રશિયાના લોકોની તપાસ કરી હતી. બ્રિટન જનમતસંગ્રહમાં ભ્રમ ફેલાવવાના અભિયાનનો શિકાર થયું હતું પણ આ મુદ્દે ગંભીરતા ન દાખવાઈ. એક અન્ય સભ્ય સ્ટીવર્ટ હોજીએ કહ્યું કે આ અમેરિકી રાષ્ટ્રપતિ ચૂંટણીમાં રશિયાના હસ્તક્ષેપ બાદ થયેલા વિરોધથી વિપરીત હતું. બીજી બાજુ રશિયાના વિદેશ મંત્રાલયે રિપોર્ટને રુસોફોબિયા ગણાવી ફગાવી દીધો હતો.
Download Dainik Bhaskar App to read Latest Hindi News Today
from Divya Bhaskar https://ift.tt/2WHtsz5
via IFTTT
Comments