વિશ્વના સૌથી ઠંડા સ્થળ તરીકે જાણીતા સાઇબેરિયાનાં જંગલોની આગ ફેલાતી જ જઇ રહી છે. પૂર્વ રશિયાનો મોટો વિસ્તાર તેની ઝપટમાં છે. હવે યાકુત્સક, યુગોરસ્ક અને સોવેત્સકી જેવા નાના કસ્બા પણ ઝપટમાં આવી ગયા છે. રશિયાની એરિયલ ફોરેસ્ટ પ્રોટેક્શન સર્વિસના જણાવ્યા મુજબ 99 હજાર એકરમાં 197 સ્થળે આગ ફેલાઇ છે, જેને 5 હજારથી વધુ લોકો બુઝાવી રહ્યા છે. રશિયામાં ગ્રીનપીસના વાઇલ્ડફાયર યુનિટના વડા ગ્રેગરી કુક્સિનના કહેવા મુજબ સાઇબેરિયા વિશ્વમાં સૌથી ઝડપથી ગરમ થઇ રહ્યું છે. આ તત્કાળ રોકવું જરૂરી છે. એક વર્ષમાં અહીં ગ્રીસના ક્ષેત્રફળ જેટલું જંગલ ખાક થઇ ચૂક્યું છે.
અમેરિકા: કેલિફોર્નિયામાં ફરી આગ ફેલાઇ
લેસેન કાઉન્ટીમાં 5,800 એકર જંગલમાં આગ ફેલાઇ. અહીં 30 હજાર લોકોને ખસેડાયા છે. 24 કલાકમાં 850 એકર જંગલ ખાક થયું.
બ્રાઝિલ: એમેઝોન રેઇનફોરેસ્ટમાં 1,000 વાઇલ્ડફાયર
બ્રાઝિલમાં એમેઝોનનાં જંગલોમાં ચાલુ મહિને આગના 1,057 બનાવ બન્યા. 3069 ચો. કિ.મી. જંગલ ખાક થયું છે.
Download Dainik Bhaskar App to read Latest Hindi News Today
from Divya Bhaskar https://ift.tt/2ON0auA
via IFTTT
Comments